Enavos

Dapli Tenuta

Ils 14 da zercladur 2026 elegia il Grischun. En vista als privels mundials per la democrazia, l’ambient ed il bainstar general duvrain nus dapli tenuta, dapli engaschi e dapli solidaritad. Perquai ma met jau gugent a disposiziun per la reelecziun en la regenza – per lavurar vinavant. Per in Grischun che na lascha enavos nagin. Per in Grischun che va cun curaschi vers il futur. Per ina buna vita per tuts. Per in Grischun social.

Grazia fitg per Voss sustegn!

Curs da la vita

Pled da nominaziun

video: Peter. Punct.

news

chargiar dapli

Peter. Punct.

Peter Peyer

Durant duas legislaturas en la regenza grischuna hai jau pudì contribuir mia part ad in Grischun progressiv e social.

Peter Peyer

Sco team-player en l’executiva. Gist en temps, en ils quals l’autopromoziun e la mancanza da respect vegn celebrads sin la tribuna politica, dovri commembers da la regenza che mussan che la discussiun cun differentas posiziuns va er auter. Cun respect. Ed i dovra collavuraturas e collavuraturs motivads en l’administraziun – che sa mettan di per di en servetsch da la populaziun. Cun enconuschientschas spezialisadas e cun engaschi.

Oz datti en tut las valladas ina tgira d’uffants, ina reducziun exemplarica da las premias en cumparegliaziun cun l’entira Svizra ed in budget da cultura pli aut. Il Green Deal pussibilitescha d’investir considerablamain en edifizis ch’èn favuraivels al clima ed en energias regenerablas. Il nov sistem electoral da proporz e transmissiuns directas dal parlament rinforzan la democrazia e la transparenza. Nus avain dapli stipendis, dapli protecziun cunter la violenza a chasa e pajas pli autas per las persunas d’instrucziun da la scolina.

Jau na vi dentant betg ma cuntentar cun quai ch’jau hai cuntanschì. Empè da quai vi jau m’engaschar fermamain en la regenza per anc dapli bainstar general:

  • Per dapli spazi d’abitar pajabel, pertge uschiglio smanatscha l’emigraziun d’entiras generaziuns.
  • Per in provediment da sanadad decentral per tuts, perquai ch’el signifitga en mintga vegliadetgna qualitad da viver.
  • Per dapli protecziun dal clima, perquai che la crisa climatica n’è tar nus betg in scenari abstract, mabain realitad amara.
  • Per dapli egualitad, dapli capacitad da cumpra e dapli segirtad sociala, perquai ch’il Grischun sto esser in chantun da schanzas.
  • Per dapli democrazia, avertadad e per ina buna relaziun cun noss vischins en l’Europa, perquai che las alternativas èn autocrazia, divisiun ed instabilitad.

Testimonials

Silvia Hofmann

«Egualitad n’è betg simplamain ina dumonda da las dunnas – ella pertutga l’entira societad. Peter ha adina gia purtà questa tschertezza en sia lavur politica e s’engascha activamain entaifer l’administraziun per dapli protecziun, per dapli egualitad da schanzas e per dapli diversitad. Quest engaschi duai cuntinuar!»

Silvia Hofmann -

anteriura presidenta dal Cussegl grond ed anteriura incumbensada per dumondas d’egualitad, Cuira / Basilea

Rico Tuor

«Il Grischun drova in turissem digl entir onn che va a prau culla natira e culla cultura. Quei dat veta al territori alpin e dapli giustia climatica. Peter enconuscha l’impurtonza dalla cultura el spazi perifer e l’impurtonza dalla valurisaziun regiunala. Sia vusch drovi ella regenza.»

Rico Tuor -

geograf, sviluppader regiunal, confundatur «Kulturhotels Graubünden», Curaglia

Sara Andresen

«Il territori da muntogna viva d’in bien provediment da sanadad decentral che possibilitescha da viver cun dignitad en mintga vegliadetgna. Quei sa Peter. In provediment medicinal reduciu vul dir endirar dapli, dapli lavur da tgira buca pagada e dapli miseria sociala – quei stuein nus impedir cun tutta forza.»

Sara Andresen -

Media assistenta en medischina interna ed urgenza, Cuira

Chasper Cadonau

«Scha nus vulain cumüns vivs en tuot las valladas, douvra daplü spazi d’abitar pajabel per indigens. Uschigliö s’augmainta la depopulaziun inavant. Peter ha la sensibilitad necessaria per dumondas da la politica da finanzas e da la planisaziun dal territori per promouver il Grischun en la dumonda dal spazi d’abitar.»

Chasper Cadonau -

architect, Ramosch

Cassiano Luminati

«Bunas relaziuns cun regiuns europeicas vischinas èn fitg impurtantas, cunzunt per las vals al cunfin. Senza ina collavuraziun sur ils cunfins na funcziunass nossa vita publica ed economica betg. En temp d’isolaziunissem e da fake news è Peter in grond aderent da la collavuraziun e dal barat. Perquai sustegn jau el cun persvasiun.»

Cassiano Luminati -

Directur dal Polo Poschiavo, Puschlav/Milaun

Elecziuns per il Cussegl grond 2026

Per dapli bainstar general na poss jau betg m’engaschar sulet. Per quai dovr jau ina ferma fracziun en il Cussegl grond. La PS tschenta en l’entir chantun candidatas e candidats cumpetents ed engaschads che jau recumond cun persvasiun d’eleger.

Ellas ed els stattan en per dapli democrazia, dapli giustia ed ina coesiun sociala pli ferma. Ellas ed els stattan per in Grischun social.

Donaziuns

Sustegnai mia candidatura per in sez en la regenza dal chantun cun ina donaziun.